Sot Kryetari i BDI-së, z.Ali Ahmeti priti ambasadorin e Francës në Maqedoninë e Veriut, Shkëlqesinë e Tij, z.Christian Timonie.

Gjatë takimit bashkëbiseduesit prekën çështjet që ndërlidhen me reformat në vijim e sipër, zhvillimet aktuale politike, suksesin e shtetit të së drejtës, marrjen e datës për negociata si dhe zhvillimet në rajon.

Të dy palët ranë dakord që takimet e ndërsjella ndihmojnë dhe kontribuojnë në forcimin e lidhjeve të ndërsjella.

Kryetari Ahmeti e siguroi ambasadorin që do të vijojë me përpjekjet e tij në drejtim të përmbushjes së kërkesave dhe kritereve, në mënyrë që Maqedonia e Veriut të mund të hapërojë në rrugën drejt integrimeve evropiane.