Nëpërmjet një njoftimi të partisë maqedonase në pushtet thuhet se “shumica e qytetarëve mbështesin OBRM-PDUKM dhe politikat për rindërtimin e Maqedonisë/”.

Nga OBRM-PDUKM thonë se kjo parti udhëheq para LSDM-së për gjashtë përqind.

“Krimi, korrupsioni dhe zhvatja gjatë tre viteve të kaluara shqetësojnë qytetarin e Maqedonisë, bashkërisht me tradhëtinë kombëtare”, thuhet në njoftimi e kësaj partie duke shtuar se për këto arsye qytetarët kërkojnë ndryshime.

Sipas tyre, politikat kriminale të Qeverisë të çon në 28% investime të realizuara kapitale për tetë muaj dhe ndalje e ndërtimit të Qendrave Klinike në Shkup dhe Shtip.

“Zoran Zaev është i frikësuar për shkak se e din se e ka humbur që moti përkrahjen e qytetarëve. LSDM bëri dëm të madh për shtetin. Me LSDM-në, Maqedonia vetëm fundoset. Maqedonisë i duhet fillim i ri. Maqedonisë i duhet rindërtim”, thuhet në kumtesën e OBRM-PDUKM-së.

Në fund, nga OBRM-PDUKM shtojnë se LSDM përgjigjen do ta marrë në zgjedhjet kuvendare kur OBRM-PDUKM do të fitojë bindshëm.