Nga burgi i Shuto Orizares thonë se sot rreth orës 13:00, një person gjatë shëtitjes së rregullt për ajër të freskët ka ardhur në një incident gojor të shkaktuar nga personi S.R ndaj personi L.K i cili më vonë ka sulmuar fizikisht dhe që u ndërpre menjëherë nga shërbimi i burgut.

“Rreth orës 13:45, përsëri gjatë shëtitjes për ajër të pastër ka ardhur edhe në një incident tjetër gojor shkaktuar nga M.J ndaj personit E.K i cili më vonë ka sulmuar dhe që është ndaluar nga shërbimet e burgut”, thonë nga burgu i Shuto Orizares.

Për të dy incidentet janë marrë edhe deklarata të shkruara nga dëshmitarë. Edhe gjykata është njoftuar për këtë rast.

Pas incidentit për personat S.R dhe M.J menjëherë është siguruar kontroll dhe kujdes nga mjeku i entit pas çka personi S.R nuk ka kërkuar ndihmë mjekësore shtesë, ndërsa personi M.J është ankuar për dhimbje dhe është dërguar në spitalin “8 shtatori”.

Nga burgi i Shuto Orizares thonë se i dënojnë këto incidente gojore dhe fizike dhe porosisin se dhuna nuk do të tolerohet dhe e njëjta do të dënohet. Burgu do t’i ndërmarrë të gjitha masat dhe aktivitet që dhunuesit të dënohen edhe në të ardhmen.