Për haxhillëk këtë vit nga Maqedonia do të largohen 2030 besimtarë, që është më shumë se dyfishi i vitit të kaluar, kur në vendet e shenjta ishin 919 besimtarë, tha për MIA-n sekretari i përgjithshëm i Bashkësisë Fetare Islame, Irsel Yakupi.

Numri u plotësua sipas kuotës së përcaktuar nga Ministria e Haxhit të Arabisë Saudite dhe këtë vit do të jenë 2030 haxhinj nga vendi që do të udhëtojnë drejt vendeve të shenjta, edhe pse janë regjistruar mbi 3000. Besimtarët do të udhëtojnë nga data 16 deri më 21 qershor me fluturime charter. Ata janë të moshave të ndryshme, përfshirë edhe fëmijë – shtoi Yakupi.

Sipas tij, çmimi për një aranzhim për Haxhin 1444/2023 është 6550 euro.

Sa i përket Myftinisë së Dibrës, e cila përfshin komunat e Dibrës, Qendër Zhupës dhe Komunës së Mavrovës Rostushë, këtë vit 30 besimtarë do të shkojnë në vendet e shenjta të Mekës dhe Medinës, ku po zhvillohet shtylla e pestë e Islamit – haxhi. është realizuar, krahasuar me vitin e kaluar kur në haxhillëk ishin 12. besimtarë – tha për MIA-n Orhan Zengo, sekretar i Myftinisë së Dibrës.

Festa e madhe e Kurban Bajramit bie më 28 qershor të këtij viti dhe festohet për katër ditë.