Presidentja Gordana Siljanovska Davkova sot ka zhvilluar bisedë të shkurtë telefonike me presidentin e Ukrainës, Volodomir Zelenski, në të cilën, siç informojnë nga Kabineti i saj, ka shprehur mbështetje për përpjekjet për përfundim të luftës.

Në bisedë Zelenski e ka informuar presidenten e Maqedonisë për përpjekjet intensive diplomatike të drejtuara drejt arritjes së marrëveshjes për paqe të drejtë sa më shpejtë.

Presidenti Ukrainas, thuhet në kumtesë, është falënderuar për mbështetjen nga Maqedonia dhe ka paralajmëruar mbajtjen e Samitit “Ukraina – Evropa Juglindore” të liderëve të vendeve të rajonit.