Presidentja e Kosovës, Vjosa Osmani, ka uruar xhudisten Nora Gjakova, për fitoren në Lojërat Olimpike, Tokio 2020.

Osmani shprehet se në këtë ditë zie, Nora Gjakova i solli dritë Kosovës, përcjell klankosova.tv.

”Në këtë dite zie për popullin tonë, Nora Gjakova i solli dritë Kosovës.

Faleminderit Nora e artë, që duke ecur rrugës së Majlindës e Distrias po i jepni motiv një populli të tërë për t’u ringritur edhe në vështirësi.

Xhudistet tona po arrijnë majat që shumë shtete i kanë ëndërruar. Ato janë epiteti më i mirë i Kosovës së ditëve tona. Përzemërsisht, ju faleminderit!”.