“Ka mbërritur kërkesa e parë për çmimin e energjisë elektrike e dorëzuar nga EVN Distribution. Sipas kërkesës së tyre, para së gjithash për shkak të rritjes së kostove për prokurimin e humbjeve të energjisë elektrike, në vitin 2022 çmimi parashikohet të jetë 220 euro për megavat orë, krahasuar me çmimin e vitit të kaluar prej 56 euro, pra kërkojnë rritje të çmimit të shpërndarjes së energjisë elektrike për 100 për qind”.

Këtë e tha drejtori i Komisionit Rregullagor Energjetik, Marko Bislimovski. Në paraqitjen e tij në “TV Telma”, ai deklaroi se shpenzimet totale për blerjen e humbjeve të energjisë elektrike nuk janë humbje financiare, por çështje teknike. Ai shtoi se që energjia elektrike të mbërrijë nga pika A në pikën B, ka humbje të energjisë elektrike.

“Dhe kanë paraqitur kosto shtesë për shkak të disbalancave në sistem, që është një funksionim normal prej gjashtë milionë euro, gjegjësisht shpenzimet totale të rritura të Elektrodistribucisë, vetëm për blerjen e energjisë elektrike për të mbuluar humbjet dhe për disbalancat janë 140 milionë euro”.

“Të gjitha shpenzimet tjera nuk kërkojnë ndonjë ndryshim, në fakt nuk kanë të drejtë, vetëm në bazë të elementeve që nuk kanë mundur t’i parashikojnë, të cilat nuk varen nga puna e tyre, kanë rritur shpenzimet për 140 milionë euro, tha Bislimovski.