Hasbullah Magomedov është i riu rus i cili këtë periudhë është bërë viral në rrjete sociale.

Por, së fundmi 18 vjeçari është bërë ‘meme’ së bashku me Milaim Zekën, ku njerëzit në faqet e ndryshme kosovare e kanë cilësuar atë si djali i politikanit.

Zeka ishte i ftuar në emisionin “Natë vere” ku foli edhe për këtë pjesë, ndërsa tregoi se nuk ka të bëjë asgjë me personin në fjalë.

“Nuk kam qenë asnjëherë në Rusi. Ky është humor interesant, por edhe disa familjarë të mi kanë bërë shaka duke më thënë pse s’kam treguar që kam edhe një djalë”, është shprehur Zeka duke qeshur.