Premiera e filmit të ri James Bond u shty për herë të tretë, për shkak të pandemisë së koronavirusit. Filmi “No time to die” (“Nuk ka kohë për të vdekur”) është shtyrë tashmë dy herë, por do të jepet në të gjithë botën më 8 tetor, thuhet në një njoftim të publikuar në ueb-faqen e filmit.
Fillimisht ka qenë e paraparë që filmi të shfaqej në ekranet e kinemave në prill të vitit 2020. Për herë të dytë është shtyrë në tetor.

Filmi është i 25-ti në serinë James Bond dhe shënon paraqitjen e fundit të aktorit Daniel Craig si agjent i shërbimit sekret britanik 007.

Shtyrja e tij do t’i godasë edhe më shumë kinematë botërore që janë detyruar të mbyllen me muaj, për shkak të masave të izolimit kundër pandemisë së koronavirusit. Filmi i mëparshëm i James Bondit, Spectre, ka gjeneruar gati 900 milionë dollarë fitim në vitin 2015.