Zvicra sonte e ka siguruar kualifikimin tutje në 1/8 e finales së Kampionatit Evropian.

Fitorja e Danimarkës ndaj Rusisë, përveç që kualifikoi tutje danezët, kualifikoi edhe Zvicrën nga vendi i tretë i grupit A.

Kjo pasi që dy ekipet e treta të grupeve B dhe C kanë pikë më pak se Zvicra. Zvicra ka 4 pikë, kurse Ukraina dhe Finlanda kanë nga tri.

Kualifikimin e Zvicrës tutje e ndihmoi edhe fitorja e Austrisë ndaj Ukrainës.

Merita të mëdha për këtë kualifikim ka edhe Xherdan Shaqiri, i cili realizoi dy eurogola ndaj Turqisë.