Trajneri francez, Zinedine Zidane ka folur i zhgënjyer pas humbjes turpëruese 4-1 ndaj Valencias në La Liga.

Në një intervistë për mediat, Zidane mori mbi kurrizin e tij të gjitha përgjegjësitë.

“Pas golit, ne ramë pak poshtë dhe ndryshuam dinamikën e asaj që po bënim. Gjithçka na ndodhi, me të vërtetë. Është e vështirë ta kuptosh lojën tone sonte”.

A pendohesh për ndonjë gjë? – “Ata janë të gjithë lojtarë të Real Madridit dhe kjo është arsyeja pse zgjodha këtë njëmbëdhjetëshe”.

Mbrojtja – “Nuk ka justifikime. Pas golit të parë u copëtuam. Gjithçka është për t’u kritikuar sonte. Është e vërtetë se nuk jemi prapa (në mbrojtje) si më parë”.

Fajtori – “Nuk mendoj se Valencia ka qenë më mirë taktikisht. Sidoqoftë, unë jam fajtori, sepse duhet të gjej zgjidhje”.