Fluksi i emigrantëve nëpër Mesdheun qendror ka arritur një nivel të paprecedentë pasi bandat e kontrabandës janë bërë më të organizuara dhe është shumë më e lehtë të bëhen anije të improvizuara, tha drejtori i Agjencisë Evropiane të Rojës Kufitare dhe Bregdetare, Hans Lajtens.

Në periudhën janar-prill, numri i hyrjeve të parregullta në BE përmes Mesdheut qendror u rrit për pothuajse 300 për qind krahasuar me të njëjtën periudhë të vitit 2022, duke arritur në 42.200.

Unë kurrë nuk kam parë diçka të tillë më parë. Në këtë moment po shënojmë një rritje prej 1100 për qind krahasuar me vitin e kaluar, veçanërisht nga Tunizia, tha Lajtens.

Sipas tij, rritja është pasojë e ndryshimit të mënyrës së punës së kontrabandistëve dhe kontrabandimit më të lirë të migrantëve.

Aktualisht përdoren objekte të vogla metalike që mund të ndërtohen në plazh për një ditë dhe kushtojnë rreth 1000 euro. Një çmim më i ulët do të thotë se ata kanë nevojë për më shumë njerëz. Kjo mund të shpjegojë këto shifra, theksoi Lajtens.