Me rastin e muajit të bekuar të Ramazanit, Kryetari i Bashkimit Demokratik për Integrim, Ali Ahmeti, me dëshirat më të përzemërta për mbarësi, shëndet dhe mirëqenie, ka uruar të gjithë besimtarët myslimanë.

“Fryma e Ramazanit është sakrifica, përkushtimi, mëshira, solidariteti, falja dhe durimi. Uroj që të gjithë së bashku të reflektojmë mbi këto vlera dhe me përkushtim, punë dhe durim t’i kapërcejmë pengesat dhe vështirësitë. Agjërim të lehtë dhe lutje të pranuara! Qofshim të bekuar!”, shkruan Ahmeti.