Tre persona, prej të cilëve dy më rëndë, janë lënduar në një aksident trafiku në rrugën Kriva Pallankë – Kumanovë.

Siç njoftojnë nga MPB, aksidenti ka ndodhur gjatë ditës së djeshme rreth orës 16:10.

“Makina e tipit Golf me targa të Kumanovës e drejtuar nga E.J (36) nga Kumanova, ka dalë nga rruga dhe është përmbysur. Në aksident janë lënduar bashkëudhtarët S.S (41) dhe N.J (56), të dy nga Kumanova”, thonë nga MPB.

Të lënduarit janë dërguar në spital, ndërsa hetime në vendin e ngjarjes ka kryer ekipi i SPB Kumanovë.