Në mbledhjen e sotme të Qeverisë do të shqyrtohen propozimet e Komisionit për Sëmundje Infektive (KSI). Komisioni në fjalë vendosi që t’i rekomandoj Qeverisë një pako të re të masave kufizuese për periudhën nga 18 dhjetori deri më 21 janar, me qëllim që të shmanget rritja e numrit të të infektuarve me Covid-19 gjatë festave.

Propozohet që objektet hotelierike të mbyllen në ora 18:00 në vend të 21:00 dhe të mos ketë grumbullime nëpër shtëpi dhe jashtë saj.

Rekomandimet për masat e reja kufizuese kanë të bëjnë me riorganizimin e kohës së punës për objektet hotelerike, rekomandime për tubimet publike, si dhe për bashkësitë fetare.

Sipas analizave të Ministrisë së Shëndetësisë masat paraprake tashmë japin rezultate, ndërsa faktori i transmetimit të virusit (R0) i cili në fillim të nëntorit ishte 1.5, tani është 0.95.