Norvegjia do të mbyllë kufijtë e saj për të gjithë vizitorët pa rëndësi urgjente, tha kryeministrja Erna Solberg gjatë prezantimit të disa prej kufizimeve më të rrepta të udhëtimit në Evropë.

“Në praktikë, kufijtë do të jenë të mbyllur për këdo që nuk jeton në Norvegji. Mutacioni i virusit është përhapur ndjeshëm në shumë vende, por jo si në Norvegji, Danimarkë dhe në Mbretërinë e Bashkuar”, pohoi Solberg.

Norvegjia, një vend që nuk bën pjesë në Bashkimin Evropian, tashmë ka vendosur karantinë në rajonin e kryeqytetit të Oslos, pas përhapjes së variantit të ri të virusit korona, që është më infektues e që për herë të parë u identifikua në Britani. Të gjitha dyqanet jo thelbësore në Oslo janë mbyllur për herë të parë që nga fillimi i pandemisë.

Ndryshe, Norvegjia ka një nga nivelet më të ulëta të infeksionit me virusin korona në Evropë deri më tani.