Facebook do t’i forcojë rregullat dhe masat mbrojtëse në lidhje me reklamat politike, “për të parandaluar ndërhyrjen e huaj” në zgjedhjet në Evropë dhe gjetkë.

“Mjetet shtesë e gjigandit të rrjeteve sociale do të lansohen në Bashkimin Evropian në fund të marsit, për të ndihmuar në transparencë më të madhe të reklamave politike në Facebook, tha udhëheqësi i komunikimeve në gjigantin e teknologjisë”, Nick Clegg.

Rregullat e reja do të kërkojnë që reklamat politike, të lidhura me zgjedhjet e BE-së në maj, “të autorizohen”.

Clegg, ish-zëvendëskryeministër i Briatnisë, i cili është punësuar në Facebook në tetor, shtoi të hënën në Bruksel se “këto rregulla do të mbulojnë reklamat që “nuk mbështesin në mënyrë të qartë një kandidat apo parti politike, por që fokusohen në tema shumë të politizuara, si migracioni”.

Në një blog të vetin, rrjeti më i madh social në botë në mes tjerash theksoi se “mjetet e transparencës për reklamat zgjedhore do të lansohen në Indi në shkurt dhe në Ukrainë dhe Izrael përpara zgjedhjeve të tyre, ndërsa do të zgjerohen globalisht para fundit të qershorit”, shkruan radioevropaelirë përcjellë Klan Kosova.

Masat janë të ngjashme me ato të miratuara për zgjedhjet për Kongresin e SHBA-së në nëntor të vitit 2018, tha Clegg.

Facebook-u është kritikuar gjatë dy vjetëve të fundit për veprim të pamjaftueshëm për të luftuar lajmet e rreme, operacionet propagandistike dhe përhapjen e përmbajtjeve ekstremiste në platformat e tij.