Një aksident tragjik ka ndodhur vetëm pak minuta më parë në qytetin e Tetovës më saktësisht në afërsi të Tetovares tek rruga 160 ku dy makina me të rinjë kanë bërë gara.

Ndonëse pasditen e sotme në qytet ka rënë shi dhe komunikacioni është zhvilluar në rrugë të lagështa, ndoshta kjo ka ndikuar që njëra nga veturat të humb kontrollin de të del nga rruga dhe të përplaset në parkun aty afër.

Përplasja si duket ka qenë tragjike pasiqë në vend ngjarje ka humbur jetë njëri nga shofërët e makinave.

Për momentin, policia, ndihma e shpejtë dhe ekipet e zjarrfikësve janë në teren për të saktësuar ngjarjen por sipas informacioneve nga aty thuhet se një 18 vjeçarë nga Tetova është viktima që ka humbur jetën gjatë daljes nga rruga dhe përplasjes në parkun aty afër.