Presidenti rus, Vladimir Putin, ka thënë se nuk e kundërshton idenë e bisedimeve të paqes me Ukrainën. Duke folur pas takimit me udhëheqësit afrikanë në Shën Petersburg, presidenti Putin ka thënë se një nismë afrikane dhe kineze mund të shërbejë si bazë për gjetjen e paqes.

Putin tha gjithashtu se është e vështirë të zbatohet një armëpushim kur ushtria ukrainase është në ofensivë. Ukraina dhe Rusia kanë thënë më parë se nuk do të vijnë në tryezën e bisedimeve pa parakushte të caktuara. Ukraina dëshiron që kufijtë e saj të rivendosen siç ishin në vitin 1991, diçka që Kremlini është thellësisht kundër.

Moska argumenton në vend të kësaj të zhvillohen negociata, ndërsa Kievi duhet të pranojë “realitetin e ri territorial”. Putin në konferencën për media të shtunën vonë tha se nuk kishte plane për të intensifikuar veprimet në frontin ukrainas për momentin.

Ai mbrojti gjithashtu arrestimin e zërave kritikë nga Kremlini, duke pretenduar se disa njerëz po dëmtonin Rusinë nga brenda. Në konferencën e gjerë, presidenti rus u tha gazetarëve se Moska kreu disa “sulme parandaluese” pas një shpërthimi në një urë të Krimesë në fillim të këtij muaji.

Samiti Rusi-Afrikë vjen pasi një kontingjent afrikan që përfshin liderë dhe përfaqësues nga shtatë vende u takua me presidentin e Ukrainës Volodymyr Zelensky dhe zotin Putin muajin e kaluar.