Albanologu Zeqirja Neziri është fituesi i Çmimit të sivjetmë “22 Nëntori” i cili ndahet për kontributin në promovimin e bashkëjetesës ndër-njerëzore dhe mirëkuptimit të ndërsjellë midis pjesëtarëve të komuniteteve të ndryshme, kulturave dhe religjioneve në Republikën e Maqedonisë së Veriut.

Ndarja e çmimit shtetëror “22 Nëntori” për vitin 2022 në shenjë mirënjohjeje të njerëzve nga jeta politike, kulturore dhe shoqërore që kanë kontribuar në promovimin e bashkëjetesës dhe mirëkuptimit të ndërsjellë ndërmjet pjesëtarëve të komuniteteve, kulturave dhe feve të ndryshme në Republikën e Maqedonia e Veriut do të mbahet sot në mesditë në Kuvend.