Është gjithnjë e më e sigurt se Bullgaria do të vërë veton në fillimin e negociatave me Bashkimin Evropian, tha Kryeministri Zoran Zaev gjatë dhurimit të një ambulancë në spitalin në Strumicë.

Zaev thotë se është i gatshëm dhe e ka përgatitur popullin e Maqedonisë për veton e mundshme të Bullgarisë. Sidoqoftë, ai është i prerë se nuk e humb shpresën, prandaj pret që në fund të dhjetorit, kur të jetë afati i fundit për seancën e parë ndërqeveritare, që politikanët bullgarë të mbledhin forcë, të bërtasin për miqësi dhe të shtrijnë dorën.

“Unë po dërgoj mesazhin për të ndërtuar miqësi, është e lehtë të ndërtosh armiqësi. Është evropiane të ndërtosh miqësi dhe të jesh i guximshëm”, tha Zaev.

Lidhur me punën e Komisioneve, Zaev tha se është marrë vendim për pesë figura historike dhe tre periudha historike, dhe kjo u konfirmua nga pala bullgare.

“Ne jemi gati t’i publikojmë dhe jemi të gatshëm të fillojmë zbatimin në librat shkollorë në të dy anët”, tha kryeministri.