Sunny Hill po vjen sërish gjatë këtij viti me artistë të njohur botëror.

Pas dy sezoneve të organizimit fantastik të festivalit më të madh në Kosovë, Sunny Hill po rikthehet edhe këtë vit.

Datat për mbajtjen e Sunny Hill tashmë janë publikuar dhe është vendosur që tri netët e festivalit të organizohen më 2, 3 dhe 4 gusht, përcjell Gazeta Express.

Në njoftimin zyrtar shkruhet: “Ruani datat. 2, 3 dhe 4 gusht janë datat kur do ta vëmë Prishtinën në zjarr”.

Shumë shpejtë do t’i bëjmë zyrtar edhe emrat e parë të festivalit, performuesit kryesor të mbrëmjeve. Këtë vit, për të parën herë në vendin tonë, do të kemi fitues të çmimeve Grammy e Brits në Prishtinë. Ka edhe shumë lajme të tjera ekskluzive që do të vijnë në ditët në vijim” ka thënë Dukagjin Lipa.

Grupi i parë i biletave për Sunny Hill Festival 2019 pritet të dal në shitje në mes të muajit prill. Dhe sërish, pjesëmarrësit do ta kenë mundësinë që për çmimet më të volitshme në rajon t’i shohin disa nga artistët më të mëdhenj të skenës botërore të muzikës.

“Festivali do të jetë në verë dhe do të vazhdojë edhe në edicionin e dytë të grumbullojë në Prishtinë artistë shumë të famshëm botërorë, por edhe artistë lokalë. Në këtë edicion nuk do ta kemi Dua Lipën, megjithatë do të vijnë artistë me renome, të cilët do t’i japin gjallëri këtij festivali”, kanë treguar organizatorët e festivalit.

Më tutje, kanë zbuluar se ata si ekip organizativ janë duke punuar që Festivali të zgjerohet dhe të pasurohet me aktivitete tjera, përveç atyre muzikore, të cilat do ta bëjnë edhe më atraktiv.