Policia i ka ndaluar të paktën 67 persona në Turqi, teksa e kryen një aksion për t’i shënjestruar personat e lidhur me militantët kurdë.

Aksioni është duke u kryer disa ditë pas një sulmi vetëvrasës në Ankara. Ministri i Brendshëm turk tha se policia ka kryer bastisje në 16 provinca turke, duke i arrestuar 55 persona që dyshohet se kanë qenë pjesë e një “strukture të inteligjencës” të Partisë Popullore të Kurdistanit.

Të paktën 12 të dyshuar tjerë si pjesëtarë të PKK-së janë arrestuar në një operacion të ndarë në pesë provinca. PKK-ja ka kryer kryengritje disadekadëshe në Turqi dhe konsiderohet organizatë terroriste nga Shtetet e Bashkuara dhe Bashkimi Evropian.