INDI – Antarët e një familjeje janë shtangur teksa kishin shkuar për të varrosur vajzën e tyre të pajetë, këtë të shtunë në varresat e qytetit Uttar Pradesh në Indi.

Familjarët ndodheshin në varreza për të varrosur vajzën e tyre, e cila kishte lindur e pajetë, kur kanë dëgjuar të qarat e një fëmije që vinin nga toka e afërt me varrin e vajzës së tyre.

Të shqetësuar nga të qarat aspak të zakonta, familjarët kanë gërmuar përafërsisht 1 metër dhe kanë zbuluar një enë të madhë rrumbullake prej balte, të groposur nën tokë.

Pasi e kanë marrë enën  dhe e kanë hapur, në të kanë gjetur një foshnje të porsalindur, e cila mrekullisht ishte ende gjallë.

Familjarët të tmerruar, kanë lajmëruar në mënyrë urgjente policinë, e ndërkohë kanë ushqyer beben e porsagjetur.