Bullgari vazhdon të jetë nën presion të fortë evropian që të heqë dorë nga vetoja e saj në negociatat për anëtarësim të Maqedonisë së Veriut në BE, deklaroi nënpresidentja bullgare Ilijana Jotova për radion kombëtare bullgare. Në të njëjtën kohë, sipas saj, BE-ja ka një mirëkuptim më të madh për kërkesat e Sofjes ndaj Shkupit, kryesisht lidhur me të drejtat e njerëzve me identitetit bullgar. Nënpresidentja theksoi disa opsione për kërkesat e Bullgarisë të bëhen pjesë nga korniza e negociatave midis BE-së dhe Maqedonisë së Veriut. “Nëse ka kushte që i vendosëm të jenë në kapitullin e parë, apo do të shkruhen dhe do të zgjasin si një fije e kuqe në të gjithë procesin e negociatave, apo përfundimisht do të përcaktohen veçanërisht kapitulli i 36-të, është çështje e kushteve të përpunimit dhe se do të merret parasysh pozicioni bullgar”, deklaroi Jotova. Kjo çështje do të diskutohet në takimin e ardhshëm BE-Ballkani Perëndimor në tetor, të organizuar nga presidenca e radhës sllovene me BE-në.