Për shkak të mjegullës është vështirësuar komunikacioni ajror në Aeroportin e Shkupit. Sipas informatave në sajtin e Aeroportit Ndërkombëtar të Shkupit, një pjesë e fluturimeve janë anuluar ose riorientuar.

Sipas informatave të fundit nga ueb-faqja e Aeroportit të Shkupit, sonte është anuluar fluturimi nga Stambolli, ndërsa fluturimi nga Cyrihu është riorientuar.

Sipas informatave nga sajti, pas orës 16 nuk ka fluturuar aeroplani i “San ekspres” nga Antalia, si dhe aeroplanët e “Vizer”-it nga Memingen dhe Baden Baden. Aeroplani i “Lot”-it nga Varshava gjithashtu nuk ka arritur të aterojë në Aeroportin e Shkupit dhe është kthyer në Poloni.