Armata e Republikës së Maqedonisë është radhitur në vendin e 108-të në listën e ushtrive më të fuqishme në botë, që e publikoi portali i specializuar që merret me analiza ushtarake “Global Firepower”.

Sipas listës së armatave më të fuqishme në vitin 2023, SHBA-ja pritet të jetë në vend të parë, ndërsa pastaj vijojnë Rusia, Kina, India, Britania e Madhe, Koreja Jugore, Pakistani, Japonia, Franca, Italia, Turqia, Brazili, Indonezia, Egjipti, Ukraina, Australia, Irani, Izraeli, Vietnami, Polonia, Spanja, Arabia Saudite, Tajvani, Tajlanda dhe Gjermania.

Në rajonin e Evropës Juglindore ushtrinë më të fuqishme e ka Greqia, e cila është në vendin e 30-të, Serbia është e 58-ta,  Kroacia e 68-ta, Sllovenia është e 86-ta, Mali i Zi 128 dhe Bosnja dhe Hercegovina në vendin e 133-të.

Janë 145 vende në listë, të renditura sipas fuqisë së tyre ushtarake dhe gjatë krijimit të listës janë marrë parasysh faktorë të ndryshëm, si niveli i sofistikimit të pajisjeve ushtarake, financat, gjeografia dhe burimet.

Renditja merr gjithashtu parasysh faktorë të tillë si sasia e pajisjeve ushtarake dhe trupave që ka çdo vend, si dhe gjendjen e tyre financiare, gjeografinë dhe burimet e disponueshme. Lista bazohet në armët konvencionale, ndërsa aftësitë bërthamore nuk merren parasysh.