Ish lojtari i Barcelonës duket se e ka rikthyer formën e tij

Lionel Messi është në formë të mirë pasi që PSG e ka mposhtur kampionin aktual të Ligue 1, Lille, me rezultat 5-1, me argjentinasin që shënoi një gol dhe asistoi në golin e Prensel Kimpembe

PSG përballët me Real Madridin në Ligën e Kampionëve më 15 shkurt dhe duket se ish lojtari i Barcelonës me në fund e ka gjetur vetën në Francë.

“Messi ka shkëlqyer përsëri në ndeshjen e tij më të mirë të sezoni”, ka shkruar sot gazeta L’Equipe për paraqitjen e Messit, para ndeshjes së parë të francezëve me Real Madridin.

“Pas një pjesë të parë të sezonit me statistika që ishin larg standardëve të tij, që u ndërpren prej paraqitjes së tij me Kombëtare dhe ndikimit të vogël të tij në ndeshje, Messi ka gjetur hapin përsëri dhe kjo u pa në ndeshjen kundër Lille”.

“Ai bëri një paraqitje ashtu si i ka hije. Driblimet nuk gënjejnë? Leo bëri lëvizje në stadiumin Pierre-Mauroy dhe sllallomët e tij në hapësira të ngushta ishin shenja të përshpejtimit dhe ambientimit të tij në Ligue 1”.

Si meritë për paraqitjen e tij, Messi u shpërblye me lojtarin më të mirë në ndeshje, në një natë ku ai mori notën 7 nga 10, e njëjta notë që pati edhe Danilo edhe Marco Varratti.

Messi konsiderohet më i miri në botë

L’Equipe nuk ishte e vetmja gazetë që e lavdërojë paraqitjen e fundit të Messi në PSG, pasi që trajneri i tij, Mauricio Pochettino po ashtu ishte i shpejt për të folur për yllin e skuadrës së tij.

Pochettino, vetvetiu, e ka pasur të vështirë t’ia përshtat sulmuesit një formacion që do të kontribuonte më shumë në Parkun e Princave, por duket se me në fund ai ka gjetur mënyrën e duhur që këtë ta bëjë në fund të sezonit.

“Nuk ka dyshim, Leo është lojtari më i mirë në botë”, tha Pochettino për mediat pas fitores kundër Lille.

“Si të gjithë të tjerët, ai ka nevojë të adaptohet. Ai ka nevojë që ta rikuperojë formën e tij më të mirë fizike pas një muaj pa ndeshje për shkak të Covid-19”.

“Është e rëndësishme që Leo të tregojë të tilla paraqitje dhe një përkushtim të tillë”.

Ndryshimi taktik që e aktivizoi Messi

Në PSG, Messi ka preferuar që të luajë më shumë në krahun e djathtë në treshen sulmuesi, pasi që kjo është një pozitë ku ai ndihet më mirë dhe ka qenë i suksesshëm në karrierën e tij.

Por, kundër Lille, në formacionin 4-3-3 bashkë me Kylian Mbappe dhe Angel Di Maria, Messi ishte në gjendje që të luante më shumë në qendër.

Ky pozicion i ndryshimit të pozitës nga e djathtë në qendër bëri që ai të luajë më shumë me Mbappen dhe të formojë një partneritet më të mirë.

Sigurisht ky do të jetë një alarm për djemtë e Carlo Ancelottit dhe pozitën e re të tij në PSG para ndeshjes së tyre në Ligën e Kampionëve.