Shtetet e Bashkuara të Amerikës i kanë raportuar gjithsej 10 milionë e 400 mijë raste me koronavirus, nga ku 241 mijë prej tyre e kanë pësuar me vdekje, sipas statistikave të Universitetit John Hopkins.

Ndërkaq, të mërkurën ata kanë raportuar 144 mijë e 133 raste të reja të të prekurve me Covid-19, si dhe një mijë e 893 të vdekur.

Kjo njëherësh është shifra më e lartë e të infektuarve brenda një dite në SHBA.

Këto statistika përfshijnë raste nga të 50 shtetet, nga Distrikti i Kolumbisë dhe territoret tjera të Amerikës.