Ministria e Punëve të Brendshme përmes një komunikate për media thekson se sot ka ndërhyrë në selinë e Bashkësisë Fetare Islame në Shkup, duke shtuar se nuk kanë konstatuar prishje të qetësisë dhe rendit publik.

“MPB ka detyrë të garantojë rendin dhe qetësinë publike, ndërsa punët e brendshme të BFI-së janë punë të anëtarëve të kësaj bashkësie dhe hedhim poshtë pretendimet e disa subjekteve politike për ta përfshirë MPB-në në këto ngjarje”, thuhet në reagimin e MPB-së.

Ndryshe, gjatë ditës së sotme Skender Buzaku me disa mbështetës të tij u drejtua në selinë e BFI-së, prej ku tha se ai është kreu i ri i këtij institucioni.

Ndërsa më vonë reagoi edhe Sulejman Rexhepi, i cili tha se Buzuku është mjet i pushtetit dhe akuzoi qeverinë për këto ngjarje në BFI.