Mendoni se vetëm për shkak se jeni i ri dhe metabolizmi juaj është ishpejtë nuk keni nevojë të shqetësoheni për të ushqyerit? Mendojeni përsëri, thotë Keith Kantor, shkencëtare ushqimore dhe CEO i NAMED, një program i projektuar për t’i ndihmuar njerëzit të mposhtin varësinë nga ushqimi. “Kjo është dekada kritike për të rriturit e të rinj; ajo që hani tani krijon themelet dhe zakonet për një jetë të shëndetshme ose të problemeve shëndetësore që vijnë më vonë”, thotë ajo.

Çfarë duhet të keni në menu në të 20-at? Shumë dhe shumë fruta të freskëta dhe perime pasi këto janë shumë ushqyese dhe nevojiten për tuaj zhvillimin e trupit dhe nevojat e trurit. Është gjithashtu e rëndësishme që të pini shumë ujë, sepse lëviz substancat ushqyese përmes trupit, kontrollon oreksin dhe dëshirat dhe rrit performancën atletike dhe të trurit.

Të 30-at janë kur shumica e njerëzve fillojnë të ndiejnë se metabolizmi i tyre fillon të ndryshojë. Falë këtij ngadalësimi dhe rritjes së stresit të një karriere dhe një familjeje të re – fillojnë të fitojnë peshë, thotë Kantor. Për ta kundërshtuar këtë, duhet të hani shumë fibra zarzavate me gjethe të errëta si spinaqi, avokado. Yndyrnat e shëndetshme nga vaji i ullirit, arrat dhe farat, së bashku me fibrat, do të ndihmojnë në kontrollin e peshës duke ulur dëshirat e ëmbla ose të papërshtatshme për ushqim.

Mirë se vini në “ferrin” e hormoneve! 40-at janë një portë ndërmjet viteve të riprodhimit dhe menopauzës, dhe ndërsa trupi juaj përgatitet për këtë tranzicion, prisni që hormonet tuaja të luhaten në mënyrë të pa përmbajtshme – veçanërisht estrogjenin dhe testosteronin, thotë Kantor. Ndihmoni stabilizimin  e hormoneve duke konsumuar perime si lakra, brokoli, lulelakra pasi këto kanë treguar se natyrisht ndihmojnë në heqjen e hormoneve të tepërta dhe mund të ndihmojnë në parandalimin e kancerit.

Në të 50-at çdo gjë fokusohet në  shëndetin e kockave – nuk po shtoni më masë kockore dhe kështu ju duhet të hani ushqime për të ndihmuar në ruajtjen e kockave. Si mund ta bëni këtë? Hani ushqime të pasura me kalcium, duke përfshirë qumështin, fasulet e bardha, salmonin, sardelet, fiqtë e thatë, bizele të zeza, bajame, portokall ose zarzavate.