Vetëm ditën e djeshme janë identifikuar trembëdhjetë persona të prekur nga fruthi, shtatë prej të cilëve janë shtruar në spital, njoftojnë nga Ministria e Shëndetësisë.

Bëhet fjalë për katër persona të moshës madhore nga Shkupi dhe Velesi, në mesin e të cilëve një grua 37-vjeçare gjendet në gjendje të rëndë shëndetësore.

Janë pranuar edhe tre fëmijë, në mesin e të cilëve një fëmijë njëvjeçar nga Tetova me pamje të rëndë klinike i cili gjendet në mjekim intensiv. Të gjithë fëmijët kanë qenë të pa vaksinuar.

Në Klinikën Infektive për momentin gjenden 21 pacientë me fruthin, 14 prej të cilëve janë fëmijë nën moshën njëvjeçare.