Gjatë javës së kaluar (prej 7 janar deri 13 janar) janë regjistruar 281 persona të prekur nga gripi, që paraqet rritje për 43.4 për qind në krahasim me një javë para, kur ishin të regjistruar 196 të prekur.

Sipas raportit të ri të Institutit për Shëndet Publik, numri i të prekurve nga java e kaluar është më i vogël në krahasim me javën e njëjtë të vitit të kaluar, kur ishin sëmurë 428 persona nga gripi.

Numri më i madh të të sëmurëve (198) janë të moshës prej 15 deri 64 vjeçare, ndërsa të tjerët janë fëmijë deri në katër vjeç.

Ndryshe, në sezonin 2018/2019 numri i përgjithshëm i të prekurve nga gripi është 1695 persona.