Futbollisti me prejardhje shqiptare, Leon Dajaku, mund të bëhet me skuadër të re.

Ai nuk është duke gjetur minutazhin e duhur te skuadra e parë e Bayernit të Mynihut dhe shumicën e ndeshjeve luan për ekipin e dytë.

LEXO EDHE:
Messi mban në ankth Barcelonën, mund të mungojë edhe në finalen e Superkupës së Spanjës
Sipas të përditshmes “Bild”, sulmuesi 19-vjeçar mund t’i bashkohej Union Berlinit në formë huazimi deri në fund të edicionit aktual të Bundesligës, por bisedimet kanë frenuar ndjeshëm.

Shkak është bërë përfshirja e Milanit, që kërkon një pykë për të zëvendësuar Ibrahimoviç.

Në çështje është përfshirë Paolo Maldini, i cili e pëlqen shumë sulmuesin kosovar.

Drejtori sportiv i “Djallit” thuhet se po punon të joshë Dajakun, kontratat e të cilit me bavarezët skadon në qershor të vitit 2023.