Mëngjesin e djeshëm, portali zviceran ’20minutes’ shpalosi historinë për të cilën dyshohet reperja Loredana Zefi.

Ajo dyshohet për zhvatjen e rreth 900.000 frangave ndaj një çifti zviceran nën lajthitje, kërcënim e presion.

Mirëpo, duket se çifti zviceran nuk janë viktimat e vetme të parave të marra nga kredit-kartela e tjetër kujt në mënyrë perfide.

Në verën e 2017, një ish-mike e Loredanës e pati denoncuar atë për dy tërheqje bankare nga llogaria e saj që përfshinin Loredanën dhe vëllanë e saj.

Në një rrëfim të gjatë ajo pati shpalosur versionin e saj, shoqëruar me adresat e tërheqjes të cilat shpinin në Zvicër te Loredana.

Më poshtë, ju sjellim rrëfimin e plotë të Esa Vokshit, ish-mike e Loredanës në InstaStory duke rikthyer në vëmendje një histori e cila aktualizohet pas skandalit me çiftin zviceran.

“Kjo nuk ka të bëjë me talentin. Më pëlqen muzika, por jo edhe mënyrat që janë përdorur për të arritur atë. Nuk më intereson çfarë mendoni, nuk dua të jem e famshme, dua të jetoj një jetë normale dhe të trajtohem me respekt. As nuk kam frikë.

Pyes veten se si ajo mori kartën time të kreditit me vëllanë e saj. Nuk e njoh vëllanë tënd. Unë jam normale dhe e vërtetë në botën reale.

Isha në Gjermani dhe shpenzimet bëheshin jashtë vendit. Unë isha përfshirë në paratë e mia / borxhin derisa erdhi kjo letër dhe çdo gjë kishte një kuptim për mua. Nga karta ime e kreditit u hargjuan 538 euro.”