Zlatan Ibrahimovic është “i pavdeskshëm, si Cristiano Ronaldo” ka thënë ish menaxheri i suedezit, Carlo Ancelotti

39 vjeçari është duke i prirë listës së golashënuesve në Serie A kurse 35 vjeçari Ronaldo është i dyti me Ibrahimovicin i cili e ka gjetur formën dhe po e komandon AC Milanin drejt pretedentëve për titull përsëri.

Ancelotti e pranon se ai kishte menduar se karriera e Ibrahimovicit është në fund kur ai kishte shkuar në MLS te LA Galaxy më 2018 por ai vazhdoi dhe u kthye nga SHBA me 53 gola nga 58 ndeshje kurse pas rikthimit në Itali ai ka shënuar 20 gola nga 29 ndeshje.

“Kur Ibra shkoi të luantë në Amerikë mendova që kjo ishte lamtumira e tij finale”, tha Ancelotti për Sport Mediaset.

“Në vend të kësaj ai shënonte në çdo ndeshje. Tani ai u kthye në Itali, mendova që prapë është fund dhe përsëri, ai shënon çdo të diele. Pyetne atë a e kam kërkuar te Napoli”.

“Ai është i pavdekshëm, si Cristiano Ronaldo. Ata vazhdojnë të luajnë shumë mirë, ata jo vetëm që luajnë por ata edhe shënojnë dhe kjo nuk është e lehtë për moshën e tyre”.