UEFA konfirmoi se do të niste një hetim për festimet e bëra nga ekipi i Turqisë pas fitores ndaj Shqipërisë të premten.

Ky festim vjen ndërsa ushtria turke përleshet me luftëtarët kurdë në veri të Sirisë, me Francën midis një numri kombeve për të vendosur sanksione ndaj Turqisë dhe për të dënuar veprimet e presidentit Rexhep Tajip Erdogan, transmeton lajmi.net.

Sulmuesi i Evertonit, Cenk Tosun shënoi golin fitues kundër Shqipërisë, dhe më pas postoi një fotografi të festimit në llogarinë e tij zyrtare në Instagram, duke thënë: “Për kombin tonë, veçanërisht për ata që po rrezikojnë jetën e tyre për kombin tonë”.

UEFA, e cila nuk lejon lojtarët të bëjnë gjeste politike, u zotuan të hapnin një hetim, megjithëse duket se lojtarët e Turqisë morën pak vëmendje ndaj paralajmërimit të UEFA-s, duke bërë të njëjtin gjest pasi barazuan 1-1 me Francën në Paris.

Llogaria zyrtare e ekipit kombëtar turk në Twitter shfaq gjithashtu një imazh të lojtarëve duke bërë përshëndetjen, duke e përdorur atë në një postim që tregon tabelën e Grupit H, të cilën e kryeson Turqia.