Dollari u forcua kundrejt monedhave kryesore sot pasi një rritje e rasteve të Covid-19 në Kinë çoi në ri-vendosjen e kufizimeve të ashpra atje dhe dëmtoi ndjenjën e investitorëve në tregje.

Rastet e reja të koronës në Kinë kanë minuar shpresat se qeveria në Pekin së shpejti mund të lehtësojë masat kufizuese. Kjo ka nxitur forcimin e dollarit, i cili konsiderohet një strehë e sigurt në kohë të trazuara.

Indeksi i dollarit, i cili gjurmon vlerën e monedhës amerikane kundrejt një shporte rivalësh, ka rënë me më shumë se 6 për qind nga niveli më i lartë 20-vjeçar në tetor, por po tregtohet sot 12 për qind më i lartë se një vit më parë.

Dollari u rrit 0.98 për qind kundrejt jenit japonez në 141.75 jen, niveli i tij më i lartë që nga 11 nëntori. Në të njëjtën kohë, euro ra me 0.83 për qind në 1.024 dollarë. Juani kinez ra në nivelin më të ulët që nga 11 nëntori me 7,1708 juanë për dollar në shkëmbimet kontinentale të vendit.

Në tregjet e tjera të monedhës, kriptovalutat mbetën nën presion, me bitcoin që u fundos 1.1 për qind në 16,078 dollarë.

Crypto Exchange FTX i detyrohet afro 3.1 miliardë dollarë 50 kreditorëve kryesorë, sipas dosjeve të falimentimit.

Sipas të dhënave më të fundit nga bursa, funta britanike po tregtohej në nivelin 1182 dollarë, duke rënë me 0.58 për qind në nivel ditor.

Dollari australian ra 0.79 për qind kundrejt rivalit të tij amerikan në 0.662 dollarë, ndërsa dollari i Zelandës së Re u dobësua me 0.53 për qind në 0.612 dollarë.