Mediat holandeze publikuan fotot e para të një djali 25-vjeçar, i cili, bashkë me familjen e tij, kaloi nëntë vjet në një bodrum duke pritur fundin e botës.

Sipas policisë lokale, për nëntë vitet e fundit, Jan Zon van Dorsten ka jetuar i mbyllur në një shtëpi në Ruinerwold, 90 kilometra në veri të Amsterdamit, derisa u shfaq në një bar të dielën, porositi pesë birra dhe tha që nuk mund të kthehej në shtëpi.

Shumë shpejt pronari i lokalit u thirr nga policia që shkoi në zonën e largët ku ndodhej shtëpia e tij.

Ata gjetën katër motrat e Janit, midis 18 dhe 25-vjeç, babanë e tij dhe një mashkull tjetër në bodrum. Familja u dërgua në një vend të sigurt ndërsa austriaku Josef B, 58-vjeç, u mor në paraburgim, sipas Daily Mail.

Hetuesit kanë pranuar që ata ende nuk kanë përgjigje për pyetjet kryesore që rrethojnë rastin – siç është nëse anëtarët e familjes ishin duke qëndruar në bodrum kundër vullnetit të tyre dhe cila ishte saktësisht marrëdhënia e tyre me Josef B.

Misteri shtohet nga fakti se Jan, djali i madh, ka pasur qasje në rrjetet sociale dhe ka qenë aktiv në Facebook që nga qershori i këtij viti. Profili i tij tregon postime të rregullta deri në vitin 2010, kur ai njoftoi se ishte transferuar në Ruinerwold, fshati ku ndodhet shtëpia.

Atëherë ai nuk shkroi asgjë deri në qershor të këtij viti, kur befas u riaktivizua dhe shkroi se po punonte si drejtor i një dyqani online në Creconat, i vendosur në Meppel, një fshat rreth 6 kilometra larg Ruinerwold.

Të shtunën, ai postoi tre fotografi me monumente rreth Ruinerwold, të cilat u morën në errësirë. Hetuesit besojnë se ai i regjistroi ato ndërsa po shkonte drejt barit.

Media lokale e përshkroi Josef B. si një “marangoz” dhe “njeri për të gjitha punët” i cili kishte punëtorinë e tij në Meppel. Ata njoftuan se ai ishte lindur në Vjenë dhe se erdhi në Holandë në vitin 2010, në të njëjtin vit kur familja u kufizua në bodrumin e shtëpisë. Ky informacion nuk u konfirmua nga autoritetet austriake.

Ministria e Punëve të Jashtme e Austrisë njoftoi se Josef B. nuk kishte kërkuar kontakt me ambasadën dhe kishte refuzuar ndihmën e tyre.

Një burrë i quajtur Tonnie, i cili kishte një punëtori pranë Josef, i tha portalit holandez ED që Jozefi ishte një marangoz shumë i aftë.

“Ai kreu punën e tij në mënyrë të shkëlqyer”, tha ai.

Alida ten Oever, pronari i shtëpisë ku qëndroi Jozef tha që ai gjithmonë e paguante qiranë në kohë dhe kurrë nuk shihte shenja që njerëzit e tjerë përveç tij jetonin në shtëpi.

Fqinjët e tij i thanë RTV Drenthe se Josef ishte tërhequr sipër dhe se ai nuk po i lejonte vizitorët të hynin në shtëpi. Vetë shtëpia ishte e vendosur rreth 180 metra nga rruga më e afërt dhe 90 metra nga prona fqinje më e afërt.

Sipas radios holandeze, burri, së bashku me gjashtë fëmijët e tij, të moshës 16-25- vjeç, jetuan në izolim në bodrumin e një ferme në Ruinerwold, ku ata prisnin fundin e botës.

Pronari i një lokali aty pranë u tha mediave lokale se e informoi policinë të hënën, pasi u kontaktua nga një i ri i hutuar, duke i thënë atij se ai nuk kishte dalë për nëntë vjet.

“Ai tha se kishte ikur dhe kishte nevojë për ndihmë,” tha ai.

Nuk dihet në çfarë gjendje shëndetësore ose në cilat kushte jetuan. Vendndodhja e nënës së fëmijëve është gjithashtu e panjohur. Kishin një kopsht të madh perimesh dhe dhi falë të cilave mbijetuan me vite.