Sunday, 15 July 2018 | Lajme: 14

Trembëdhjetë emigrantë ilegalë nga Irani kapen në autostradën Kumanovë-Tabanovc

Pjesëtarë të policisë kufitare kapën 13 emigrantë nga Iraku pardje në mëngjes në afërsi të pompës së benzinës në autostradën Kumanovë-Tabanovc.

Emigrantët janë kapur pas njohurive të marra operative për kontrabandë të emigrantëve nga ana e shërbimeve policore nga policia kufitare – Qendra rajonale – Veri.

Emigrantët kanë qenë pa dokumente, nëntë prej tyre ishin burra, dy gra dhe dy fëmijë.

Ata kanë lëvizur në drejtim nga Kumanova drejt vendkalimit Tabanovc.

Një person, i cili ka qenë pjesë e grupit, shtetas i Maqedonisë, i cili duhej t’i strehoj emigrantët në rajon në fshatin Vaksince, paraprakisht i ka lënë dhe ka ikur.

Emigrantët janë marrë në pyetje. Ata kanë deklaruar se nga ana e personit të panjohur janë transportuar nga kufiri jugor drejt KK-Tabanovc me automjet i tipit “Audi-A8″.

Sipas rrëfimit të tyre, personi i panjohur ka kërcënuar dhe nga çdonjëri prej tyre ka marrë nga 3.000 euro për t’i bartur në kufirin grek afër Beogradit.

Sipas tregimit të tyre, i njëjti i ka mashtruar dhe me dhunë i ka shkarkuar në afërsi të pompës të benzinës në drejtim të KK Tabanovc.

Pas marrjes së masave dhe aktiviteteve operative, dhe pas kontrolleve të kryera, është konstatuar se bëhet fjalë për personin F.B. (35) nga Studeniçani i Shkupit.

Nga ana e Qendrës rajonale për punë kufitare – Veri është dërguar njoftim deri tek PSP për SKO-Shkup.

Me udhëzimet nga prokurori publik për SKO, personat emigrantë si viktima të kontrabandës përkohësisht janë strehuar në Qendrën pranuese për të huaj – Shkup.