Wednesday, 19 September 2018 | Lajme: 42

Përgjaket gazetari serb që hetonte vrasjen e Ivanoviç: Mund të më vrisni, por jo të vërtetën (Foto)

Gazetari serb Stefan Cvetkovic, i cili po heton vrasjen e Oliver Ivanoviçit është dhunuar brutalisht në Beograd.

Në një nga postimet e tij në “Facebook”, ai ka thënë se gjendet i sigurt jashtë Serbisë, pa e bërë të ditur se si ka ikur, ndërsa ka publikuar fotot me plagë.

Cvetkoviçi ka thënë ndër të tjera se “e madhe është forca me të cilën po përballem, por se e shenjte është shenjtëria me të cilën mbrohem. Mua mund të më vrisni, por jo edhe të vërtetën”.

Cbetkoviçi ka dhënë edhe një deklaratë në institucionet hetimore të Republikës së Kosovës për vrasjen e Ivanoviçit, Gazetarë të tjerë qe po e hetojnë vrasjen e Ivanoviçit, kanë akuzuar direkt pushtetin në Serbi si përgjegjës për vrasjen e Ivanoviçin, ashtu edhe për trysnitë dhe kërcënimet që po ia bënë pushteti atyre.

Para më shumë së 10 ditësh Cbetkoviç u rrëmbye nga persona ende të panjohura në vendlindjen e tij në Bellacërkë.