Monday, 16 July 2018 | Lajme: 11

Pas shtatë vjetëve, Ibrahim Tatlises sjellë këngën e parë dedikuar ushtarëve turq

Ibrahim Tatlises ka shkuar në studiot muzikore për herë të parë pas shtatë vjetëve.

Këngëtari turk para disa vjetëve ishte pranë vdekjes, kur një plumb e goditi në kokë dhe për shumë kohë ishte në gjendje kome.

Por pas një shërimi intensiv, 66-vjeçari i është rikthyer skenave muzikore duke kënduar një këngë të vjetër turke.

“Pas 7 vjetësh, me këngën “Yaylalar”, unë them vazhdojmë. Urime të gjithëve dhe shpresoj se kjo këngë do t’i sjell moral ushtarëve tanë”, ka shkruar ndër të tjerash në llogarinë personale në Insagram, Tatlises.

Kujtojmë se këngëtari ishte me disa artistë të tjerë në Afrin për t’iu dhënë moral ushtarëve turq në luftën kundër kurdëve në Siri.

Ndryshe, Tatlises ka paralajmëruar edhe këngë të tjera gjatë muajve në vijim.