e Martë, 22 Gusht 2017 | Lajme: 0

VMRO-DPMNE: Tani tërë përgjegjësia mbetet te Zaevi

VMRO-DPMNE përmes një kumtese drejtuar mediave thotë se Zoran Zaev me vetëdije e mbante Republikën e Maqedonisë peng, ndërsa siç thonë, ka mundur që para tre muajve ta pranojë ofertën e tyre, ta hedh poshtë të platformën e Tiranës dhe të përfundojë kriza.

“Tani tërë përgjegjësia mbetet te Zaevi. Ai duhet të zgjedh nëse do ta hedh poshtë dygjuhësinë e bankënotave, uniformave dhe miratimin e rezolutës për gjenocid ndaj shqiptarëve ose do ta shkel fjalën dhe do të niset në anën e kundërt të premtimeve të dhëna para popullit të tij”, thuhet në kumtesën nga VMRO-DPMNE dhe shtohet se Zaevit nuk mund t’i besohet për ç’arsye duhet me zgjuarsi të ndiqet çdo hap i ndërmarrë nga ai.

Zaev, theksohet, publikisht u zotua se e hedh poshtë platformën e Tiranës dhe do të ndalojë me politikën anti shtetërore dhe antinacionale.