e Shtunë, 19 Gusht 2017 | Lajme: 0

Kostovska: Prindërit të mos e anulojnë vaksinimin e fëmijëve me MRP, vaksina është e sigurt

Prindërit nuk duhet ta anulojnë vaksinimin e fëmijëve me vaksinën kundër morbilit, rubeolës dhe parotit – MRP, sepse ajo është cilësore, e kontrolluar dhe e sigurt dhe me vite po përdoret, deklalroi sot Jovanka Kostovska, këshilltar shtetëror në Ministrinë e Shëndetësisë dhe anëtare e Komitetit për imunizim.

Theksoi se përfshirja e imunizimit, sivjet është e shkëlqyer dhe po rritet, përveç për MRP vaksinën, e cila është minimalisht më e vogël nga vitet tjera dhe pritet të jetë në nivel të kënaqshëm.

“Nëse pranimi i vaksinës ose vaksinimi me MRP në moshën 13 muajshe, në vitin 2015 ishte 88 për qind tani është 82 për qind dhe presim që të rritet. Rivaksinimi me MRP që e marrin fëmijët e moshës gjashtë vjeçare është 93 për qind. Prindërit e anulojnë vaksinimin e fëmijëve me MRP vaksinën, ndërsa për vaksinat tjera nuk e anulojnë”, tha Kostovska.

Sipas saj, ka sukses të madh pasi janë vendosur vaksinat polivalente.

“Prindërit në mënyrë të paarsyeshme e anulojnë MRP vaksinën dhe mendojnë se ajo është lidhur me autizmin te fëmijët. MRP vaksina është dëshmuar në korniza ndërkombëtare dhe nuk ka kurrfarë lidhje me paraqitjen e autizmit”, theksoi Kostovska.

Sipas saj, nuk ka arsye për anulim veçanërisht tani kur në vendet e Evropës perëndimore ka epidemi të morbilit, ndërsa në Rumani  dhe Bullgari ka raste të vdekjes.

Duke u përgjigjur në pyetje të gazetarëve, Kostovska tha se para vendosjes së vaksinimit në Republikën e Maqedonisë ka pasur numër të madh të të sëmurëve dhe rasteve të vdekjes, ndërsa benefiti nga vaksinat pasi janë vendosur është i madh.